LIGJIN PËR PUSHIMIN E LEHONISË DHE PUSHIMIN PRINDËROR

Qëllimi i këtij ligji është që t™i rregullojë të drejtat dhe obligimet për pushimin e lehonisë, pushimin e atësisë dhe pushimin prindëror dhe ta krijojë një kornizë të përgjithshme për baraspeshimin e jetës familjare dhe punës për personat që kujdesen për fëmijën, si dhe kushtet dhe afatet për financimin e këtyre të drejtave.


Data e fillimit: 03.10.2018


Data e përfundimit: 25.10.2018


Leunora Ahmeti

Leunora.Ahmeti@rks-gov.net


Kontributet

Demokracia për zhvillim | OJQ

25.10.2018 12:45:24

Nga:  

  • Forumi Ekonomik i Grave i përbërë nga
    • Instituti Demokraci për zhvillim “ D4D
    • Instituti Riinvest
    • Qendra Kosovare për Studime Gjinore “ QKSGJ
    • Rrjeti i Grave të Kosovës “ RRGK me 138 organizata anëtare
    • Gratë për Gratë (Kosovo Women for Women)
    • Kosovo Chamber of Commerce or G7
    • SHE Era
    • Rrjeti i organizatave të Grave Rome, Ashkali dhe Egjiptase të Kosovës- RROGRAEK
    • Dera e Hapur 
    • OJQ Liria
  • Rrjeti Ballkanik i Gazetarisë Hulumtuese “ BIRN
  • Federata e Sindikatave të Shëndetësisë së Kosovës “ FSSHK
  • EC MA NDRYSHE
  • Nevo Koncept
  • Qendra Multimedia
  • Qendra për Politika dhe Avokim - QPA
  • Syri i Vizionit
  • Teatri Oda
  • Youth Association for Human Rights “ YAHR
  • FEMAKTIV

Për: zj. Leunora Ahmeti, Udhëheqëse e Divizionit për marrëdhënie në punë, dialog social, sigurinë dhe shëndetin në punë, Departamenti i Punës dhe Punësimit, Ministria e Punës dhe Mirëqenies Sociale

Rekomandime në lidhje me draftin fillestar të projekt ligjit për pushim të lehonisë dhe pushim prindëror, të shpallur për konsultim publik me shkrim më datë 3 tetor 2018.  Rekomandimet janë hartuar së bashku nga përfaqësues të organizatave të lartëcekura. 

 

  1. Përmbledhje e komenteve


Grupi i organizatave  të lartëcekura ka analizuar draftin fillestar të projektligjit për pushim të lehonisë dhe pushim prindëror. Në përputhje me fushë veprimtarinë  dhe misionin e organizatave, komentet e grupit  përqendrohen në pjesën e pushimit të lehonisë dhe pushimit prindëror. Në përgjithësi,  vlerësojmë që propozimi për të trajtuar çështjen e pushimit të lehonisë dhe pushimit prindëror në këtë projekt ligji nuk arrin të përcaktojë adresimin e pabarazisë gjinore si një objektiv në kuadër të kësaj politike. Pushimi i  gjatë i lehonisë prej 12 muajsh për gratë pavarësisht se është një nga çështjet kryesore që ka ndikuar negativisht në pjesëmarrjen e grave në tregun e  punës, është sugjeruar të mbahet e njëjtë - 12 muaj pushim i lehonisë për nënat e punësuara. Ndryshimet në provizionet e pushimit të lehonisë nëpër vende të ndryshme të botës tregojnë se kur ato mundësojnë që nëna të qëndrojë më gjatë jashtë vendit të punës, si pushim i garantuar me ligj, ka ndikim negativ në punësimin e grave në përgjithësi. Një rritje prej 10% në kohëzgjatjen e pushimit të lehonisë ka ndikuar në rritje të probabilitetit që gratë në moshë të lindjes të jenë të diskriminuara në proces të punësimit, pa pasur parasysh nëse ky pushim ishte i paguar ose jo.

 

Nga ana tjetër, pushimi prindëror është propozuar të jetë nga katër muaj sipas standardeve minimale të direktivës së BE-së si për nënën dhe babanë. Megjithatë, ky pushim është paraparë të jetë pa pagesë. Duke pasur parasysh faktin se ky pushim nuk është i  paguar, mund të supozohet që kjo nuk do të ketë ndikimin e dëshiruar i cili është që politikat e pushimit  prindëror të ndihmojnë në tejkalimet e ndarjes gjinore, duke qenë që sipas këtij propozimi nënat do të jenë ato  që do të jenë më  gjatë me fëmijët e tyre - deri në 16 muaj, ndërsa babait do të ketë mundësinë të jetë vetëm 4 muaj pas përfundimit të pushimit të nënës. Kështu, nëse trajtimi i pabarazisë gjinore është një objektiv, atëherë efektet ekonomike mbi gratë pas shtatzënisë duhet të jenë qëllimi i rëndësishëm i politikave publike.

 

Për këtë arsye,  ne rekomandojmë  modeli i  pushimit të lehonisë, atësisë dhe pushimit prindëror në kuadër të këtij projektligjit duhet të ketë për objektiv  adresimin e pabarazisë gjinore, në mënyrë që  të mënjanojë efektet  negative ekonomike mbi gratë pas shtatzënisë.

Personi kontaktues

Shpend Emini | info@d4d-ks.org

Dokumentet shtesë