Konsultimi publik
05.07.2024
LIGJ PËR ENERGJI ELEKTRIKE
Qëllimi i këtij ligji është përcaktimi i rregullave dhe masave për sektorin e energjisë elektrike, për sigurimin e furnizimit të sigurt, të besueshëm, dhe cilësor të energjisë elektrike me çmime të përballueshme dhe transparente për konsumatorët fundorë, dhe për e adresimin e caqeve klimatike të vendit.
Data e fillimit: 23.02.2024
Data e përfundimit: 14.03.2024
Dokumentacioni
Dokumentacioni shtesë
Raporti Final
Qëllimi i këtij Projektligjit është krijimi i rregullave dhe masave për sektorin e energjisë elektrike, për sigurimin e furnizimit të sigurt, të besueshëm, dhe cilësor të energjisë elektrike me çmime të përballueshme dhe transparente për konsumatorët fundorë, dhe për e adresimin e caqeve klimatike të vendit.
Versioni i azhurnuar i dokumentit te konsultes
Rina LLuka
Rina.Lluka@rks-gov.net
Kontributet
An EU funded project managed by the European Union Office in Kosovo
Shkarko dokumentin e kontributit
Instituti per Politika Zhvillimore (INDEP) | OJQ
14.03.2024 16:14:20
Instituti për Politika Zhvillimore (INDEP), ka analizuar Projektligjin për Energjinë Elektrike, i hartuar dhe publikuar për konsultim nga ana e Ministrisë së Ekonomisë së Republikës së Kosovës. Kjo analizë dhe këto komente janë rezultat i përkushtimit që Instituti INDEP ka për fuqizim të sektorit të energjisë dhe për rritje të dinamikës së tranzicionit të drejtë energjetik. Analiza e hartuar në kuadër të programit të INDEP për zhvillim të qëndrueshëm, synon që të identifikoj fushat ku projektligji ka nevojë për përmirësim dhe të ofroj një qasje konstruktive për përmirësimin e tij.
Marrë në tërësi, INDEP konsideron që Projektligji për Energji Elektrike i plotëson kërkesat e direktivave evropiane për pakon e re të legjislacionit në fushën e energjisë dhe është një bazë e mirë për rregullimin ligjor të sektorit për vitet e ardhshme.
Instituti për Politika Zhvillimore (INDEP) thekson rëndësinë e angazhimit dhe konsultimit të gjerë me të gjithë palët e interesit në procesin e rishikimit dhe përmirësimit të Projektligjit për Energjinë. Në dokumentin e konsultimit, ne i bëjmë thirrje Qeverisë që të përfshij qëndrimet e ZRRE-së, KOSTT-it dhe akterëve të tjerë në mënyrë që publiku i gjerë të njihet me pikëpamjet e këtyre palëve. Përmes një qasjeje të tillë të hapur dhe gjithëpërfshirëse, INDEP beson se mund të kontribuohet në zhvillimin e një kuadri ligjor që nxit inovacionin, përmirëson efiçiencën e energjisë, mbështet tranzicionin drejt burimeve të rinovueshme të energjisë, dhe përmbush nevojat e të gjithë qytetarëve të Kosovës, veçanërisht ato të konsumatorëve në nevojë.
Kosova ka adoptuar një strategji të re të energjisë që vendos shtetin në rrugën e dekarbonizimit. Për këtë, rëndësia e Projektligjit për Energjinë Elektrike bëhet edhe më thelbësore. Në masë të madhe, tranzicioni energjetik është në korrelacion të drejtë me elektrifikimin.
Ky ligj dhe transpozimi i pakos së re të legjislacionit të Komunitetit të Energjisë është një hap shumë i rëndësishëm drejt një ekonomie më të gjelbër dhe më të qëndrueshme, dhe një pjesë shumë e rëndësishme e rrugëtimit të Kosovës drejt dekarbonizimit dhe përafrimit me standardet dhe praktikat më të mira evropiane në fushën e energjisë. Prandaj, mundësia për ta bërë këtë Ligj më të mirë e më të zbatueshëm, nuk duhet humbur!
Në vazhdim, INDEP ka listuar komentet pas analizës nen-për-nen të Projektligjit. Në pjesën në vazhdim, do të paraqesim vërejtjet dhe rekomandimet specifike të INDEP në lidhje me këtë Projektligj.
Personi kontaktues
Burim Ejupi | office@indep.info